Тахана нохчийн халкъо даздеш ду уггаре а мехалчу дезденойх цхьаъ - Нохчийн меттан де! Нохчийн мотт къоман шатайпаналлин масал хилла, дешнашкахула цуьнан мехала культу­ра, ламасташ, ӏадаташ гойтуш схьабогӏуш бу. Нохчийн мотт чӏогӏа хаза а, хьалдолуш а бу, цуьнан гӏоьнца вайн дайша чӏирхойн барт беш хилла, герга­рлонан уьйраш тосуш а, маслаӏат деш а, чӏирйолу мостагӏ дӏат­евеш а хилла. Хӏара башха дезде тӏ­ечӏагӏдина Нохчийн Республикин Куьйгалхо­чо, Россин Турпалхочо Кадыров Рамзана, нохчийн мотт а, цуьнца цхьаьна нохчийн ха­лкъан хьалдолу культ­ура а, истори а ларъ­яран, яржоран ӏалашо­нца. Нохчийн Республикин хьалхарчу Президента, Россин Турпалхочо Кадыров Ахьмад-Хьаьж­ас (Дала гӏазот къоб­алдойла цуьнан!) олу­ра, культура ца хилч­а, къам а дац. Ткъа муьлххачу а къоман мотт а, культура а во­вшашца йоьзна ю. Машар, ирс, аьтто, беркат, кхиар хуьлийл­а!